Hyppää sisältöön
Media
Valtioneuvoston kanslia etusivu

Sisrádjabearráigeahčču jotkojuvvo oassái, olgorájiin ráddjehusat bissot ovddežis

Stáhtaráđi kansliijasisäministeriösosiaali- ja terveysministeriöulkoministeriö
Julkaisuajankohta 11.6.2020 12.26 | Julkaistu suomeksi 11.6.2020 klo 16.04
Dieđáhus 405/2020

Ráđđehus linnjii 11. geassemánu sisrádjabearráigeahču oasálaš joatkimis ja olgorádjajohtalusa ráddjemis ain 14.7.2020 rádjai. Ráddjehusaid jotket dan bokte go daid oidnet vealtameahttumin njoammundávdadili dagahan duođalaš áitaga dihtii. Stáhtaráđđi mearrida áššis ollesčoahkkimisttis 12. geassemánu.

Ráđđehusa linnjemat leat oassi stáhtaráđi hybridastrategiijas, man mielde COVID-19 –njoammundávdaepidemiija dihtii dahkkojuvvon ráddjehusain luhpet dásiid mielde, mii lea vuođđuduvvan dávdadillái sihke sosiála ja ekonomalaš geahččančiegaide. Olbmuid johtima ja johtalusa álkidahttet vuosttažettiin seammasullasaš dávdadilis lean riikkaid gaskka. Ráđđehus guorahallá dili ođđasit guovtti vahku geažes. Ráđđehus atná dehálažžan, ahte ášši koordinerejuvvo EU-dásis.

Lagašmátkkošteami ráddjehusat jávkaduvvojit osiid mielde

Sisrádjabearráigeahčču rievdá 15.6. nu, ahte rádjebearráigeahčus luhpet Suomas dihto riikkaid ja johtalushámiid gaskka. Sisrádjebearráigeahčču jávká 15.6. rájes:

  • Suoma ja Norgga gaskasaš eanarájás
  • Suoma ja Norgga, Dánmárkku, Islándda, Estte, Latviija ja Liettua gaskasaš girdinjohtalusas ja jeavddalaš feargajohtalusas.
  • lustafanasjohtalusas dahjege priváhta olbmuid mátkkošteamis iežas fatnasiin.

Sistrádjabearráigeahčču joatkašuvvá ain Suoma ja eará go Schengen-riikkaid gaskasaš johtalusas. Ná sisrádjabearráigeahčču joatkašuvvá ovdamearkan Suoma ja Ruoŧa gaskasaš johtalusas.

Dán oasis go sisrádjebearráigeahčču joatkašuvvá sisrájáin lea vejolaš máhccanjohtalus Supmii, bargomátkejohtalus ja eará vealtameahttun johtalus. Jearaldagas sáhttá leat maiddái bearašášši, persovnnalaš sivva dahje goddodat, ássanviessu dahje luopmoviessu Suomas. Máhccanjohtalus oaivvilda Suoma riikkavuložiid lassin buot suomas ássán EU- dahje Schengen-riikkaid riikkavuložiid ja sin bearašlahtuid ja orrunlobiin lean goalmmát riikka riikkavuložiid. EU- ja Schengen-riikkaid ja Stuorra-Británnia riikkavuložiin lea bargomátkejohtalus vejolaš.

Mihttomearrin lea vejolaš ráddjekeahtes johtalus Ruoŧas Supmii nu jođánit go dávdadilli dasa addá vejolašvuođa. Lagaš ustitvuođa- ja gávpegaskavuođat leat dehálačča Supmii ja Suoma guovttigaskasaš ovttasbarggus Ruoŧas lea sierrasajádat.

Juohkehaččas lea riekti vuolgit Suomas, dárbbašmeahttun mátkkošteami galgá garvit

Vuođđolága 9 § mielde Suoma riikkavuložis lea álo riekti máhccat Supmii, juohkehaččas lea riekti háliidettiin vuolgit Suomas, jus olbmos eai leat lága bokte ákkat dan estojuvvojit.

Ráđđehus goittotge ávžžuha ain garvit dárbbašmeahttun mátkkošteami eará sadjái earret Norgii, Dánmárkui, Islándii, Esttii, Latviijai ja Liettuai. Juohkehaš mis sáhttá bealistis eastit koronaepidemiija leavvama go čuovvu mátkkoštanávžžuhusaid ja hygieniijarávvagiid.

Olgorájáin ráddjehusat joatkašuvvet

Rádjajohtalusa ráddjehusat joatkašuvvet dálážis olgorájáin dahjege Ruošša rájás ja eará goalmmát riikkain boahttiid bokte 14.7. rádjai. Olgorájáin lea lobálaš máhccanjohtalus Supmii, čađajohtinjohtalus Helsset-Vánda girdingiettis ja eará vealtameahttun johtalus. Suoma riikkavuloža bearašlahtu riikii beassan lea vejolaš riikkavulošvuođas fuolatkeahttá.

Supmii boahtán olbmuid karanteanarávvagiidda nuppástusat

15.6. rájes iešdáhtolaš karanteana ávžžuhuvvo buohkaide Supmii boahtán olbmuide, geat bohtet riikkain, maidda čuohcá ain sis- dahje olgorádjebearráigeahčču. Dákkár riikkat leat ovdamearkan Ruoŧŧa, Duiska ja Ruošša. Iešdáhtolaš karanteana ii dárbbašuvvo, jus olmmoš boahtá Esttes, Latviijas, Liettuas, Norggas, Dánmárkkus dahje Islánddas. THL:a rávven 14 jándora iešdáhtolaš karanteana sisdoallu ii njuolga rievdda. . Iešdáhtolaš karanteanasge sáhttá lihkadit bargosaji ja ruovttu gaskka. Maiddái eará vealtameahttin karanteana lea vejolaš.

Riikii boahtán mátkkošteaddjit informerejuvvojit maiddái Suoma hygieniija- ja dorvogaskarávvagiin, ávžžuhusaid garvit fysalaš kontávtta riskajoavkkuiguin 14 jándora áigge, dárbbašettiin johtilit dikšui ohcaleami ja boahttevuođas maiddái rávvagiin mobiilaapplikašuvnna stellemii. Diehtu juhkkojuvvo máŋgga eará kanála bokte.

Mátkái vuolgán galgá ieš sihkkarastit čuozáhatriikka riikiiboahtin- ja karanteanamearrádusaid ja váldit vuhtii Supmii máhcci karanteanaávžžuhusaid. Mátkkálaš galgá ieš čielggadit iežas mátkedáhkádusdorvvus gokčavašvuođa pandemiijadilis. Juohkehaš mátkái vuolgi gánneha dárkkistit fámus lean rávvagiid.

Lassidiehtu media:

sierraveahkki Jarno Lappalainen, SM t. 0400 536 973 (ministtar Ohisalo jearahallanbivdagat)

Sierraveahkki Jari Aalto, t. 358 50 472 0725 (ministtar Haavisto jearahallanbivdagat)

Rádjegozáhusa mediatelefon, t. 050 456 2862

Maria Ohisalo Pekka Haavisto Timo Harakka