Skip to content
Government and ministries Media

Davviriikkaid oaiveministarat ságastalle koronakriissas, ruoná investeremiin ja fuolahussihkarvuođas

Stáhtaráđi kansliija
28.10.2020 17.39 | Julkaistu suomeksi 30.10.2020 klo 12.55
Dieđáhus 684/2020

Davviriikkaid oaiveministarat deaivvadedje videooktavuođa bokte gaskavahku 28. golggotmánu ovttas Fearasulluid, Ruonáeatnama ja Ålándda ovddasteaddjiiguin. Čoahkkimis, mii čuovui ovddit beaivvi alla dási davviriikkalaš gáiddusdeaivvademiid maŋŋá, ságastalle ruoná investeremiid birra suvdilis jielluma dáfus. Oaiveministarat dohkkehedje dáid mearkkašumi deattuheaddji julggaštusa, main roahkasmahttit priváhtta sektora ruoná investeremiidda. Čoahkkimis lonuhedje maiddái dieđuid ja vásáhusaid áigeguovdilis pandemiijadili birra. 

Jo ikte oaiveministtar Sanna Marin muitalii dárkileappot su geassemánus iežas kollegaide evttohan Suoma álgagis, mainna divttistit davviriikkalaš fuolahussihkarvuohta- ja ráhkkananovttasbarggu.
 
“Lea jierbmái ohcat ovttas vugiid ráhkkanit boahtteáiggi kriissaide. Danin Suopma háliida divttistit ovttasbarggu maiddái fuolahussihkarvuođa suorggis”, oaiveministtar Marin logai.
 
Suopma ovddida fuolahussihkarvuohta ja -ráhkkananovttasbarggu doaimmadettiinis boahtte jagi eanáš oasi davviriikkalaš ovttasbargohámiid ságadoallin. Dát ulbmil ovddida máŋggasuorggat ja guhkit áigge ovttasbarggu, mas leat mielde ministeriijat, eará eiseválddit sihke ealáhuseallin. 
 
Oaiveministariid gaskasaš čoahkkima ovddit eahkeda 27.10. oaiveministarat ja Davviriikkalaš ráđi parlamentarihkkárat ságastalle videooktavuođa bokte ON:a váldočálliin António Guterresiin. Oaiveministtar Marin deattuhii sáhkavuorustis doaibmi ja beaktilis ON-vuogádaga mearkkašumi globála hástalusaide dego pandemiijaide vástidettiin.

Lassedieđut: spesiálaveahkki (riikkaidgaskasaš áššit) Lauri Voionmaa, p. 0295 160 306; EU- ja rg-áššiid kommuniserenhoavda Anne Sjöholm, p. 040 537 07 33, stáhtaráđi kansliija

Lassedieđut Suoma ságadoalliáigodagas: Davviriikkalaš ovttasbarggu čállingotti hoavda Johan Schalin, tel. 0295 351 781

Ságadoalliáigodaga Twitter-kontu: @norden2021
Sosiála medias dovddaldagat: #norden2020 ja boahtte jagi #norden2021 sihke #nrpol #nrsession

Sanna Marin